Tussa Nett har 3 400 kilometer linjer og kablar, 1 429 nettstasjonar og 19 transformatorstasjonar. Denne samfunnsviktige infrastrukturen skal haldast ved like og levere den etterspurde krafta til kundane, til alle tider, under alle slags tilhøve.
I dei komande åra har vi eit stort behov både for lærlingar innan energimontørfaget og ferdig utdanna energimontørar. Eit yrke som energimontør betyr spenning i arbeidet, moderne teknologi, stor fridomskjensle, mykje frisk luft og både fysiske og praktiske utfordringar. Det blir stilt strenge krav til både utdanning og tryggleik, samstundes som det er viktig å vere kreativ og kunne improvisere. Evna til å omstille seg, både til ny teknologi og nye oppgåver, er også kjenneteikn ved energimontørane i Tussa. Har du lyst til å vere med på laget?
