Har du planar om å byggje småkraftverk, eller sit du på fallrettane i eit vassdrag ? Tussa Nett AS er eit nettselskap med områdekonsesjon på høgspenningsnettet, og du må før eller seinare i samhandling med oss dersom du skal levere elkraft inn i dette forsyningsnettet.
Sjølv om heile området vårt treng elkraft, så kan utvekslingspunktet med kraftverket vere ugunstig plassert i høve til lokalt forbruk. Dette kan innverke på om kraftverket får betalt for innmatinga i nettet eller om det er kraftverket som må betale. Ta difor kontakt med oss så tidleg som muleg for å få avklart desse nett-tilhøva.
Rutinane våre er:
-
Ved førespurnad om tilknyting av kraftverk til nettet, skal Tussa Nett (TN) innan ein månad etter motteken førespurnad gi kraftverksutbyggjar svar på spørsmål om tilknyting
-
TN skal vurdere om det er kapasitet i TN sitt nett til å ta imot den nye kraftproduksjonen. Eventuelt utgreie tiltak som må gjennomførast for å ta imot den aktuelle kraftproduksjonen
-
TN avklarar om overliggjande nett har kapasitet til å ta imot ny kraftproduksjon
-
Eventuelle nettforsterkingstiltak skal kostnadsreknast og det skal utformast avtale om investeringstilskot frå kraftverksutbyggjar. Ingen nettforsterkingstiltak vil bli iverksett før avtale om investeringstilskot er akseptert og underteikna
-
Dersom det er kapasitet i nettet, eller dersom nødvendige forsterkingstiltak er avklara og avtale om investeringstilskot er inngått, vil TN gje løyve til å knyte nytt kraftverk til nettet
-
Tilknytingsløyvet skal gjevast med tidsavgrensing. Utbygging av kraftverket skal vere oppstarta innan to år etter tildelt tilknytingsløyve
-
Det skal opplysast om kvar tilknytingspunktet til nettet blir, kva spenningsnivå som er i det aktuelle punktet og kva nett som må byggjast mellom nytt kraftverk og dette punktet
-
Nytt nett mellom kraftverk og tilknytingspunktet skal kostast og eigast av kraftverkseigar, men kan i dei fleste tilfelle byggjast på TN sin områdekonsesjon
-
I svaret skal TN presentere tekniske og økonomiske vilkår for nytt kraftverk. Krav til teknisk utføring, krav til funksjonar i nytt anlegg, krav til fjernstyring- og overvakingsfunksjonar, elektriske grenseverdiar og prinsipp for utrekning av nettariff for innmata produksjon
