Forventa årsforbruk og storleiken på inntakssikring er i hovudsak bestemmande for kva tariff du skal ha.
Tussa har ulik tariff for lågt (under 8 000 kWh), mellomstort (8 000-100 000 kWh) og høgt årsforbruk (over 100 000 kWh). For låge årsforbruk har nettariffen lågare fastledd og noko høgare energiledd. Uttak over 100 000 kWh får timesmåling med både aktiv og reaktiv tariff.
Storleik på inntakssikringar
Kundar med hovudsikringar over 200A, får tariffar med effektmåling. For kundar med hovudsikringar under 200A nyttar vi normal forbruksavrekning utan effekttariff. Vi har også ein alternativ tariff, ein såkalla "sparetariff" (Word-dokument, 28 kb) der storleik på hovudsikringane avgjer fastleddet. I tillegg varierer energileddet med årstidene. Kundar med lågt vinterforbruk, eksempelvis dei som har anna oppvarming, kan få lågare nettkostnader med denne tariffen.
Sjølvavlesingsplikt
Kundar utan fjernavlesne målarar pliktar sjølv å lese av målaren sin og melde inn målarstand. Dette må skje i samsvar med netteigar sine innmeldingsrutinar og minst ein gong i året. Eit alternativ er å melde inn målarstand via denne sida under Målaravlesing.
