Elektronisk meldingsweb
Føremålet med å tilby elektroniske installatørmeldingar er raskare saksgang, betre historikk og høgare kvalitet på meldingane. Ein kan framleis sende inn meldingsskjema på papir, men må då pårekne lenger behandlingstid. Systemet er utvikla utan krav til kostbar programvare hos installatør. Alt du treng ligg her på internettsidene våre. Brukarnamn og passord kan du få ved å vende deg til Lars Pedersen tlf. 70 04 61 57 eller Per Bjørkedal tlf. 70 04 63 28.
Målarhandbok
Energi Norge (tidlegare EBL) sin publikasjon nr. 19-1995 ” Elsikkerhet Installasjonsregler” som omhandlar måling, skal følgjast ved arbeid i Tussa Nett AS sine målepunkt. Handboka under omhandlar tekniske forklaringar og rutinar som gjeld i tillegg til ovanfornemnde krav.
Klikk her for å opne målarhandboka: 
Endra vilkår for fellesmåling
Frå 1. januar 2010 vart retten til fellesmåling av sluttbrukar oppheva. NVE har vedteke endringar i kontrollforskrifta som medfører at kvar enkelt bueining og fritidsbustad no skal målast og avreknast kvar for seg. Kravet til individuell måling vil ikkje gjelde næringsbygg. Dei nye vilkåra vil heller ikkje medføre endringar for kundar med eksisterande fellesmåling før avanserte måle- og styringssystem (AMS) vert innført. Dersom individuell måling medfører urimelege meirkostnadar, kan det etter ei individuell vurdering tillatast fellesmåling. Interne rutiner for utøving av dette skjønet finn du her.
Kompensasjon for montasje av målar
Installatørar med avtale får kompensert per montert målar. Avtalte satsar er:
2007: 200 kr
2008: 225 kr
2009: 225 kr
2010: 235 kr
Prisar eksl. mva og årleg justert etter KPI. Viser ellers til gjeldande avtaletekst.
