Gjennomsnittsforbruket for ein einebustad ligg på mellom 20 000 og 25 000 kWh i året. Ved hjelp av enkle tiltak kan du spare mellom 20 og 30 prosent av kraftforbruket. Og det som kanskje er viktigast for deg er at du kan redusere energibruken utan at du må senke krava til komfort.
Her får du tips om korleis du kan få lågare straumrekning og eit betre innemiljø og samstundes spare pengar!
- Skru av lyset i alle dei romma du ikkje nyttar
- Skru av radio og tv når ingen høyrer eller ser på
- Om vinteren bør du redusere ventilasjonen, men steng han ikkje heilt
- La ikkje ventilatoren på kjøkkenet stå på unødig
- Bruk gryter og kjelar med flat botn og lok
- Kople oppvaskmaskina til kaldtvasskrana
- Bruk ikkje oppvask- eller vaskemaskina før dei er fylt opp
- Temperaturen i kjøleskapet bør vere 6-7 grader
- Det er nok med -18 grader i fryseskapet
- Kjøl og frys bør avrimast regelmessig
- Rask og effektiv lufting er best
- Har du ei kran som dryp bør du skifte pakning
