Feilmeldinga ved Tussa Nett er bemanna 24 timar i døgnet 365 dagar i året. Oppdagar du skadar eller manglar på luftnett, kabelnett eller andre el-installasjonar, ring feilmeldinga vår på tlf. 70 04 61 11 og informer oss.
Hovudregelen er at Tussa Nett har ansvaret for levering av straum fram til husveggen, medan alt på innsida av husveggen er rekna som privat anlegg. Feil og manglar på dette vert utbetra av private elektroentreprenørar. Sikringsbrot er den vanlegaste årsaka til straumbrot. Sikringar vert slitne over tid og kan ryke utan forvarsel, difor treng ikkje nødvendigvis eit sikringsbrot å skuldast kortslutning eller for høg belastning.
